Protección social

Abstract

INTRODUCIÓN 12.2. A PROTECCIÓN SOCIAL NA UNIÓN EUROPEA. ANÁLISE XERAL Os sistemas de protección social permiten garantir certa cobertura económica ante continxencias como a inestabilidade no emprego, a enfermidade, a incapacidade ou morte (viuvez e orfandade). Ademais, nos Estados modernos son un importante instrumento económico e social que permite a redistribución da renda. En España temos, dunha parte, as pensións e prestacións do sistema de Seguridade Social, que conforman a vertente contributiva do sistema. Doutra, a denominada cobertura asistencial, configurada polas pensións non contributivas da Seguridade Social, a renda de integración social (RISGA), as prestacións derivadas da Lei de integración social das persoas con discapacidade (LISMI) e aquelas establecidas na Lei da dependencia. Así mesmo, en 2020 dáse un paso importante neste eido coa aprobación e aplicación dun ingreso mínimo vital (IMV) a nivel nacional. [...]