Carpet diem

Abstract

[Inicio] Carpet diem é un xogo de palabras a partir da locución latina carpe diem que Paz de la Calzada nos propón como título da súa exposición na Sala Alterarte. «Aproveita o momento» sempre foi a máxima desta artista, por iso hai trece anos deixou Galicia para se embarcar nun proxecto artístico e vital alén do Atlántico. Dende aquela vive en San Francisco, onde desenvolve unha intensa actividade artística que se move entre o debuxo site-specific, a instalación e a arte pública. As súas últimas propostas son intervencións na contorna urbana onde constrúe labirintos con anacos de alfombras e moquetas recicladas que antes decoraban o chan de casinos e hoteis de luxo. [...]