Perfís aritméticos na escola elemental

Abstract

Este estudo analizou a contribución das habilidades cognitivas e de dominio específico ao rendemento aritmético alcanzado nos tres últimos graos da escola elemental na procura de perfís para os grupos formados. Participaron 165 escolares (M = 10,8 anos; SD = 1,47) organizados en tres grupos: dificultades de aprendizaxe (DA), alto rendemento (AR) e rendemento típico (RT). Avaliáronse os procesos cognitivos PASS e as habilidades de dominio específico coas baterías CAS e BANEVHAR en dúas sesións individuais ao termo do curso escolar. O grupo con DA mostrou un rendemento deficitario en codificación, procesamento numérico e comprensión conceptual respecto ao grupo con RT. Os nenos e nenas con AR obtiveron resultados significativamente máis altos ca o grupo con RT en procesamento simultáneo, contaxe, procesamento numérico e comprensión conceptual.